Chapter 33

Honeylette POV

Habang nakaunan ang aking ulo sa hubad niyang dibdib ay naririnig ko ang mabilis na tibok nang kanyang puso. Tumingala ako, nakita ko ang nakapikit na niyang mga mata. Payapang natutulog ang gwapo nitong mukha. Ang sarap pagmasdan. Lihim akong napangiti. Mag-uumaga na at halos wala pa akong tulog, kahit na pagod ay hindi ko magawang makatulog. Tila may bumabagabag sa aking kalooban. Ang daming nangyari sa buong araw. Ang pananakit sa amin ni Alejandro at ang pagpunta sa bahay nang ama ni Lex para yurakan muli ang pagkatao ko.

Bigla akong nalungkot nang muling sumilid iyon sa aking isipan. Gustuhin ko man sabihin kay Lex ang ginawa sa akin nang Daddy niya ay pinilit kong ilihim na lamang iyon. Ayoko nang makadagdag pa iyon sa kanyang isipin. Mas mabuti nang hindi niya alam.

Kahit hindi man niya sabihin sa akin, alam kong may poot siyang nararamdaman para sa Daddy niya at ayoko ng madagdagan pa ang galit niya sa kanyang ama, dahilan sa akin.

Hinimas ko ang baba niya n