Chapter 32

Honeylette POV

Hindi pa rin napapayag ni Lex si Nanay na sa bahay niya manatili kaya naman nagdesisyon siyang muli na lagyan ng security ang palibot nang bahay.

Sa totoo lang ako ang nahihiya sa ginagawa niya, sa klase ba naman nang bahay na ito, pihadong maraming pumupuna dahil puno ito nang mga security. Iba talaga kapag mayaman, kaso hindi nababagay sa itsura nang bahay.

Ngunit mas mabuti na rin iyon para maging ligtas sila at isa na rin iyon dahilan para hindi sila tumigil sa bahay ni Lex na ika-iilang ko. Napalagay na rin ang loob ko na magiging ligtas sila. Bahagya akong napaisip, tila may nagbago sa akin iyon ay ang maramdaman ko ang pag-aalala sa kanila. Itinanggi ko iyon sa aking sarili, pilit kong pinapaniwala na wala akong nararamdaman pagpapahalaga sa kanila, ngunit hindi ko mapigilan na hindi mag-alala kanina lalong lalo na sa kambal. Kahit na kapatid ko lang sila sa ina, hindi ko pa rin mapigilan ang aking puso na hindi maawa dahil mga bata pa sila.