SPIN-OFF 24

Chapter • Twenty Four

Nanginginig ang mga tuhod ko nang lumuhod ako para damputin ang tray at mga natapong pagkain. Hindi ko magawang magfocus dahil sa narinig.

Narinig ko ang pag-urong ng isang upuan. Kasunod nito'y ang mga yapak palapit sa akin. Lumuhod siya sa harap ko at tinulungan akong pulutin ang kalat.

Nakagat ko ang ibabang labi ko nang masalubong ko ang kanyang nag-aalalang titig. Nararamdaman ko na ang paghapdi ng gilid ng aking mga mata.

"Ako nang magdadala nito sa kusina. Magpahinga ka na." Bulong niya.

Huminga ako ng malalim saka mapaklang ngumiti bago umiling. "Ayos lang po ako. Medyo nawalan lang ng balanse kanina." untag ko saka tumayo at nagmam