SPIN-OFF2 9

Chapter • Nine

Pagkatapos kong maisara ang restobar ay nagpaalam na ang mga empleyado namin. Tinawagan ko si Noreen para iupdate siya tungkol sa naging takbo ng negosyo ngayong araw. Kinamusta ko na rin ang Mama niyang kasalukuyang nakaconfine. Pagkasakay ko ng sasakyan ay nahilot ko ang sintido ko. Sobrang drained ng katawan ko ngayon dala ng pagod at kakulangan sa tulog kagabi.

Bago ko napaandar ang kotse ko ay muli akong nakareceive ng text. Nanlaki ang mga mata ko nang mabasa ang nakalagay.

"You've got a lot of black undies, darling."

Ang mukha kaagad ni Jace na nakangisi ang unang pumasok sa isip ko. Kaagad kong dinial ang number niya. Halos tatlong ring din bago niya sinagot ang tawag.