Chapter 52 – Hindi ko nga siya mahal

“Luigi’s POV”

Halos mapahagalpak ako ng tawa ng masaksihan ko ang pagpula ng mukha ng asawa ni Steph dahil sa galit matapos kong sabihin na mahal ko ang aking kaibigan.

Mabilis siyang lumapit sakin at kinuwelyuhan ako, “don’t you dare try to ruin our relationship, kung hindi masisira ang mukha mo sakin,” pagbabanta niya na nagpatawa sa akin.

“Akala ko ba hindi mo mahal si Steph pero bakit parang ayaw mo yatang pakawalan ang babaeng mahal ko,” pang-aasar ko sa kanya. Ayoko na sanang pahabain pa ang usapan naming pero nag-eenjoy akong inisin ang lalaking ito bilang ganti na rin sa ginawa niyang pagdurog ng puso ng isa sa aking pinakamamahal na kaibigan.

Gusto ko ring malaman kung ano bang pumipigil sa kanya para mahalin ang aking kaibigan gayong kita sa mukha niya na may malasakit siya kahit pa man taliwas ang lumalabas mula sa kanyang bibig.

“Hindi ko nga siya mahal pero