Chapter 53 • Devastated

Chapter Fifty-Three: Devastated

Napunta si Daphne bilang sa kaniyang pagkabata. Kasa-kasama niya ang tunay niyang Nanay at naalala na niya lahat mula sa nakaraan niya. Narito muli sila sa munting kubo na tinitirahan nila noon. Ngunit sa iba't-ibang senaryo ang nakikita niya.

"Daphne, palagi mong tatandaan na mahal ka ni Nanay at Tatay, hindi ka namin makakalimutan."

"Love ko din kayo ni Tatay!"

"Daphne, huwag matigas ang ulo mo baka madapa ka!"

"Kaya ko 'to, Nay! Malakas yata ako!"

"Anong pangarap mo paglaki mo, Anak?"

"Hmm . . . Gusto kong maging Doctor, para makatulong ako sa aking kapwa, lalo na sa mga may sakit na bata tulad ko na may allergy! At syempre para sa inyo ni Tatay ay ako ang gagamot sa inyo!"

"Wow, susuportahan ka namin ng Tatay mo sa pangarap mo!"

"S-Sana kasama ko pa kayo kapag natupad ko na ang pangarap ko . . ."

Unti-unting napadilat nang mga mata si Daphne. Papikit-pikit pa ang kaniyang mga mata habang nanlalabo pa rin ito. Inaaninag niya kung nasaan siya