Chapter 54 • Goodbye, Memories

Chapter Fifty-Four: Goodbye, Memories

Nakatanaw si Daphne sa dalampasigan habang papalubog na ang araw. Bumalik sila sa lugar kung saan sila nanirahan ng tunay niyang Ina. Yakap-yakap niya ang sarili habang nakatanaw sa malayo at tila dulo ng karagatan

Isang linggo na siyang nagluluksa. Isang linggo na siyang parang baliw na paulit-ulit isinisiksik sa isipan na wala na talaga ang baby niya. Isang linggo na puno ng pagdadalamhati at galit sa puso niya.

Paulit-ulit niyang tinatanong ang Diyos kung ano bang nagawa niyang kasalanan. Kung bakit sa kaniya pa nangyari ang puro masasakit na dinanas niya. Wala ba siyang karapatang maging masaya?

Inaamin naman niya. Alam niya sa sarili niya kung anong mali niya. Sobra-sobrang pagsisisi ang nararamdaman niya. Ang dami niyang "sana" na araw at gabing pumapasok sa isip niya.

Sana hindi na lang siya nagpunta sa engagement party. Sana hindi na siya lumapit pa kay Treyton at Clara. Sana mas pinili niya na lang magpakalayo-layo. Kung sana ay nakinig s