Chapter 77: Facts

MATAPOS na mahuli nina Inspector Vasquez at PO3 Abarientos ang kasabwat nina Astolfo at Gretta ay dinala nila ito sa presinto at agad na sinimulan na tinanong sa buong nangyari nang araw bago mamamatay si Divina.

“Mr. Pedroza, hanggang kalian mo balak manahimik? Alam mo bang mas nilalagay mo sa alanganin ang sarili mo dahil sa ginagawa mong ito?” mariing pagpupunto ni Inspector Vasquez.

Napakuyom nang mahigpit si Oscar at pilit na pinipigilan ang kanyang sarili.

“Mr. Pedroza!”

Hinampas ni Oscar ang mesa na may buong panggigigil. “Ilang beses ko ba kailangang sabihin sa inyo na wala akong kasalanan!” mariing saad nito.

“Sa tingin mo ba papaniwalaan ko ang lahat ng sinasbi mo?” tanong ni Lemuel na nakataas ang isang kilay.

“Bakit ba ayaw niyo ako paniwalaan?” nasisiphayong tanong ni Oscar na halos mawala na sa kanyang sarili.

“Kung ganoon sabihin mo sa akin, sino ang taong ito?” At nilapag ni Lemuel ang litrato sa mesa at inilapit iyon kay Oscar. “Ngayon, sabihin mo sa akin sino ang lal