Kabanata 23.

ELIHA

"Nais kong magkaroon tayo ng pagdiriwang!" masayang sambit ni haring Keg habang kaming lahat ay nasa lamesa.

"Bakit? Ano ang nais mong ipagdiwang?" kuro ni ama.

"Para sa aking anak na si Prinsipe Kein, pupunta siya rito mamaya. Ayaw niyo bang bigyan siya ng selebrasyon?"

"Gano'n ba? Wala namang problema, hahayaan kong magkaroon tayo ng selebrasyon para sa Prinsipe."

Ngumiti si haring Keg bago nag-bow kay ama. Bakit parang may mali sa mga mata ni Keg?

"Mahal, kung may pagdiriwang mamaya ay dapat maghanda tayo. Halika, may ipapakita ako sa 'yo." Inakbayan ako ni Keegan at patuloy kaming naglakad papasok sa kwarto.

Inalalayan ako ni Keegan na umupo sa kama dahil mayroon daw siyang kukunin sa cabinet.

Maya-maya pa ay may dala siyang isang green gown.

"Gusto mo bang isuot ito, mahal ko?"

"Para sa akin ba talaga 'yan, Keegan? Sa sobrang ganda niyan ay palagay ko ay hindi 'yan bagay sa akin."

Lumapit siya sa akin sabay hinawakan ako sa balikat. "Para sa akin ay lahat ng isusuot mo a