Kabanata 17

Nilapitan na ni Davina ang mga kasamahan ni Caspian para naman hindi nakakahiya na hindi niya hinarap ang mga ito. Nandun naman na rin si Caspian. Inayos niya na ang expression ng mukha niya, pinilit niyang maging normal ang ngiti niya kahit na hindi siya palangiti.

“Hi, can I join here?” malambing niyang tanong sa mga ito kaya napatingin silang lahat sa kaniya. Napangiti naman sa kaniya si Railey at Max.

“Of course you can,” masigla namang sagot ni Max kaya naupo na lang si Davina sa tabi ni Caspian habang katapat niya naman si Evander na seryoso lang na nakatingin sa kaniya. Pareho sila ni Caspian na seryosong tao pero iba pa rin ang pagiging seryoso ni Caspian dahil kahit papaano maayos na kausap si Evander kesa kay Caspian.

Maya-maya ay naupo na rin si Sophia, hindi na siya nilingon pa ni Davina.

“Wala ba kayong balak na puntahan? Ganito na lang ba tayo?” tila naboboring na saad ni Max saka nagpangalumbaba sa lamesa. Kanina tinitingnan ang mga turistang palakad-lakad lang.

“Then l