Kabanata 31

Nakauwi na si Caspian galing hospital at magpapagaling na lang siya. Para bang naging bitamina niya na ang mga gamot para sa mga sugat niya. Muling nakahinga ng maayos si Caspian nang makauwi silang dalawa ni Davina sa bahay nila. Ramdam ang pagod kahit na nakahiga lang naman siya maghapon sa hospital. Para sa kaniya kasi mas nakakapagod ang walang ginagawa.

Dumiretso na si Caspian sa kwarto niya para makaligo kaagad. Kaya niya naman nang igalaw ang katawan niya dahil medyo gumagaling naman na ang sugat niya. Pagkatapos niyang maligo ay bumaba na siya sa kwarto niya para puntahan si Davina baka kasi nagluluto na ito sa kusina pero pagdating niya sa sala, nakita niya si Davina at mahimbing na itong natutulog.

Nilapitan siya ni Caspian, lumuhod si Caspian para mas makita niya ng malapitan ang mukha ni Davina. Bakas ang pagod at puyat sa dalaga dahil sa ilang araw at gabi niyang pagbabantay kay Caspian. Alam yun ni Caspian na nagigising si Davina sa gitna ng gabi dahil nararamdaman niya