49 - Sino Nga Ba?

Charlotte's POV

Napasandal siya sa pader. May nararamdaman siyang iba. Kailangan niyang pigilan iyon dahil hindi puwede, ayaw niya, at isa pa may kasalanan yung isa. Napasabunot na lang siya sa buhok niya. Bahagya siyang nagulat nang may kumatok sa pinto ng banyo.

"Charlotte, hindi ka pa ba tapos?! Kailangan ko ring gumamit ng banyo!"

Rinig niyang sigaw ni Elijah sa labas.

"Sandali lang!"

Humarap muli siya sa salamin para ayusin ang sarili. Hindi puwedeng mapansin ni Elijah ang bahid ng luha sa kanyang pisngi. Tiyak na magtatanong ito hangga't sa malaman nito ang tunay na dahilan kung bakit.

Ngumiti muna siya sa harap ng salamin bago binuksan ang pinto. Nakayuko siyang lumabas at nilagpasan na lang si Elijah na bahagyang natabig pa niya ang braso.

"Teka nga."

Napalunok siya nang hawakan ni Elijah ang braso niya.

"Kanina ka pa walang imik. Nagtatampo ka ba na ang tagal kong dumating sa pagbili ng ice cream mo?"

Ngumiti siya, pero inasahan niya rin na hindi iyon ang magiging tanong