Kabanata 55.2

Sumimsim na siya ng kape niya habang nakatitig sa nakatalikod na si Mia. Nang magising si Yeshah ay kinuha siya ni Aiden kay Stella at tuwang-tuwa niya itong nilalaro kahit na maaga pa. Tinulungan naman na ni Stella si Mia sa paghahanda ng kakainin nila ngayong umaga at nang matapos sila ay pinuntahan na ni Mia si Aiden na nasa sala.

“Ako na muna ang bahala sa kaniya, kumain ka na dun.” Wika ni Mia.

“Sabay na tayong kumain, sabayan mo ako.” aniya, tumango na lang si Mia saka niya kinuha si Yeshah para si Stella na muna ang mag-alaga sa kaniya. Tahimik silang kumain, paminsan-minsan ay tinitingnan ni Aiden si Mia pero tila may gumugulo sa isipan niya. Hindi naman na nagtanong pa si Aiden.

Hindi rin binanggit ni Mia ang tungkol sa sinabi ni Mrs Hernandez sa pagkuha ng custody ng bata. Alam niya namang si Mrs Hernandez lang ang may gusto nito, kung nasabi man yun noon ni Aiden alam niyang hindi niya naman iyun gagawin lalo na ginamit lang naman niya iyun para sumama siya ng Manila.

Minsa