Kabanata 63 - Riah

Napasimangot ako nang makitang hindi si Sebastian iyon.

"Sino ka?" Taka kong tanong sa lalakeng nasa gilid ko ngayon. Mabilis kong tinanggal ang palad nito sa noo ko at tinignan siya nang masama.

Kumunot ang noo ko nang ngumiti ito. Anong nakakatawa?

"Nanghahawak ka nang hindi nagpapaalam, alam mo bang pwede kitang kasuhan ng harassment?" Ako habang tinitignan pa rin siya nang masama.

Imbes na matakot ay sumandal ito sa kotse ko.

"Atleast ako hawak lang, eh ikaw? You tried to kissed me. Nakalimutan mo na? Siguro kung hindi ka hinila nong lalake nahalikan mo na ako," sambit nito habang umiiling iling.

Nalaglag ang panga ko sa sinabi niya. Nang matitigan siyang mabuti ay napagtanto ko na ang lalakeng 'to ay 'yung lalake sa bar na sinubukan kong halikan. Nakagat ko ang labi ko sa naramdaman na hiya.

"Ano... kasi lasing lang ako non. Kalimutan na natin 'yun pwede? Hindi naman kita nahalikan noon, muntikan lang, pero hindi naman," sambit ko sa kanya sabay ngiti.

"Isama mo ako palabas. Ang