Chapter 29

Tinawagan si Camilla ng kaibigan niya na si Mika ng mga pasado alas singko ng hapon na hindi niya inaasahan na gagawin nito. Naghahanda siya sa kusina ng kanyang kakainin para mamayang dinner. Tumigil muna siya sa hinihiwa niya na karne at dali-daling naghugas ng kanyang mga kamay para sagutin ang tawag ng kaibigan niya.

Inunahan na siya ng kaibigan niya na tumawag. Plano na niya na tumawag mamaya ngunit naunahan na siya ng kaibigan niya na si Mika. Wala namang problema 'yon kung naunahan siya. Mabuti nga na tumawag na sa kanya ang kaibigan niya na si Mika para magkausap na silang dalawa sa kabilang linya.

"Hello, bessie. Kumusta? Kumusta pala ang pagpapakilala sa 'yo ni Hector sa mga magulang niya noong isang gabi, huh?" tanong kaagad ni Mika sa kanya pagkasagot niya sa tawag nito.

Lumunok muna si Camilla ng sunod-sunod ng kanyang laway at pagkatapos ay bumuntong-hininga bago sinagot ang katanungan na 'yon ng kaibigan niya na si Mika na naghihintay lang sa kabilang linya ng kanyang