Chapter 30

"Kumusta ang pagpapakilala ni Hector sa 'yo sa mga magulang niya, huh?" tanong muli ni Mika sa kanya sa pangalawang pagkakataon. Unang tinanong siya nito sa kabilang linya kanina. Ang pangalawa naman ay ang ngayon kung saan magkaharap na silang dalawa.

"Maayos naman ang pagpapakilala niya sa akin sa mga magulang niya, bessie," malumanay na sagot ni Camilla kay Mika bilang sagot niya sa katanungan nito sa kanya.

"O, talaga ba, bessie?" paniniguradong tanong ni Mika sa kanya na mabilis naman nga niyang tinanguan bago nagsalita.

"Oo, bessie. Maayos naman nga ang pagpapakilala niya sa akin sa mga magulang niya," sabi pa ni Camilla sa kanya.

"Hindi ka ba tinarayan o pinakitaan ng hindi kanais-nais ng mga magulang ni Hector lalo na ang mommy niya, huh?" tanong ni Mika sa kanya.

Camilla sighed and replied, "Wala naman silang pinakitang hindi kanais-nais sa akin lalo na ang mommy ni Hector, bessie. Hindi naman ako niya tinarayan kagaya ng inaasahan natin. Kabaliktaran ang nangyari, bessie.