Chapter 56 - Key Word

"Maupo ka na. Ako na ang magtatapos niyan."

Pilit kong pinapaupo si Erie sa gutter para magpahinga. Pansin ko kasi ang pagtagaktak ng kaniyang pawis at hinihingal din siya ng kaunti.

Ngayon ang second day ng punishment sa violations namin. Community cleanup sa paligid ng Eastwest ang parusa namin. As usual ay pinasama kami ulit sa mga irregular students na may NSTP subject.

Hinati kami sa tatlong grupo: ang una ay mga magpapalit ng pintura ng bench sa school ground, pangalawa ay magtatanim ng panibagong halaman at bulaklak sa mini garden ng campus. Sa amin napunta ang pagwawalis ng mga kalat sa buong campus at sa kalapit kalsada ng Eastwest.

7 AM ay nagsimula na kami magwalis ng mga kalat sa loob ng campus at ngayon ay nasa labas na kami. Alas-otso pa lang pero nakakapanghina na ang init na inilalabas ng araw. Kaya nagmamantika na ang binibini ko, dala rin ng pagod kakawalis.

"Kaya ko 'to. Ituloy mo na 'yang pagwawalis mo," she said while sweeping