Chapter 55 - What's Inside Your Heart?

Hinihintay ko ang magiging response ni Erie ngunit lumipas ang ilang segundo ay tahimik pa rin ang nagingibabaw sa pagitan namin. Napako lang din sa 'kin ang mata niyang puno ng gulat at pinaghalong pagtataka.

Nakaramdam ako ng nostalgic feeling. Ang scene na ito ay parang tulad ng dati sa tuwing may mababanggit akong maganda tungkol sa kaniya pero ang ending ay tatawanan niya ang papuri ko, na siya naman ang pumilit na sabihin ko iyon.

Nagsisimulang gumapang ang pagkabalisa ko, hindi ko mahulaan kung ano ang naglalaro sa isipan niya ngayon.

Siguro ay iniisip niyang nambobola lang ako. Baka inaakala niyang nagbibiro lang ako tulad ng lagi niyang sinasabi na, char! sa tuwing binibilog niya ang ulo ko noon.

Parang nagsisisi tuloy ako na sinabi ko pa ang totoong tumatakbo sa isip at puso ko. Deserve niya malaman kung bakit abnormal ang attitude na nakikita niya sa 'kin ngayon, pero sangkatutak na