Kabanata 0127

Hello!

First of all, thank you for patiently waiting po. Salamat din po sa mga prayers ninyo. Sorry po kung natagalan ang update, kinailangan ko lang talagang magfull rest, but thank God po negative ang result kaya thank you thank you po sa inyong lahat na get well at nagpray 😘 🥺. Okay naman na ako pero still for close monitoring pa rin. Again, thank you po at na-miss ko kayong lahat! Sana matuloy-tuloy ko na ang update dito.

Anyway, yes po wakas na ang para sa story ni Hector and Lorelei. Di talaga ako marunong magwakas ahaha. Di pa naman kasi talaga ending ng story since nasa kwento pa naman po sila ni Achilles ihih.

By the way, try ko po ang general third point of view, kahirap kasing magpalit-palit ng pov. Huwag sana kayong maguluhan. 😅

Ang sunod na kabanata na po ay para na sa kwento ni Achilles. Salamat na agad sa mga susubabay at gaya ng lagi kong sinasabi, wala pong sapilitan dito ahah. Basahin niyo kung gusto niyo po, if hindi, it's totally fine po. Super duper thank you po sa inyong lahat lalo na sa walang sawang pag-aabang dito at maging sa Hiram na Asawa. Ingat po lagi at kung may maramdaman ay patingin agad sa doktor. Please, stay healthy po sa inyong lahat! 😘😘

--------------------------------------

Synopsis of Hiding from Achilles Montanier

Pangarap ni Katherine Rodrigo na maging isang sikat na modelo at kahit mayordoma lang ang Mama niyang si Mona sa mga Montanier, hindi iyon naging hadlang sa pag-aaral niya kahit pa matagal ng patay ang tatay niyang si Bimbo.

Mababait ang mga Montanier, wala siyang masasabi sa mag-asawa. Magiliw din ang mga anak ng mga ito at ang talagang iniiwasan niya ay si Achilles Montanier. Na-i-intimidate siya dito, lalo na sa mayayamang kaibigan nitong laging nasa mansyon. Hindi kagaya kay Odessy, hindi siya makalapit kay Achilles at hindi niya ito matingnan.

"Crush mo si Achi?" akusa pa sa kanya ni Odessy ngunit marahas siyang umiling.

"Hindi. M-ay girlfriend si Kuya Achi," tanggi niya lalo't huling-huli niya pa lang sa akto si Achilles sa kwarto nito na may kaniig na dalaga.

At hindi niya lubos maisip na matatagpuan niya ang babaeng iyon sa likod ng mansyon na walang buhay. Takot ang unang sumalakay sa kanya. Naihagis pa niya ang napulot na baril sa tabi ng dalaga ngunit huli na. Inosente siya at walang kasalanan ngunit siya ang tinuturong salarin sa pagkamatay ng dalaga. Nanlalamig siya lalo sa malamig na titig ni Achilles.

"Wala po akong kasalanan! Mama, hindi ko siya pinatay!" pagsusumamo niya sa Mama niyang pilit siyang tinutulak upang tumakas.

"Takbo, Anak. H-uwag ka ng babalik dito. Pakiusap. Ikukulong ka nila!" umiiyak na taboy nito.

Labag man sa loob niya ay nilisan niya ang lugar na iyon. Ngunit sa banyagang lugar, kung saan tahimik na ang kanyang buhay ay halos maestatwa siya sa pares ng mga matang madiing nakatitig sa kanya.

"I-nosente ako, Achilles. Ayokong makulong," nanginginig ang boses na pagtanggol niya sa sarili.

Hindi siya nakakilos sa hawak nito sa kanyang siko, lalo naman sa mainit nitong paghinga sa kanyang tainga. Nahihigit niya ang paghinga. Gusto niya itong itulak sa pagdikit ng matipunong katawan nito sa katawan niya.

"Then prove to me that you are.... innocent, Katherine," mababang bulong nito pero ang braso ay umiikot na sa bewang niya.

"P-aano?"

"In my bed," tipid na bulong nito na nagpatigil sa mundo niya.