Chapter 72

Nagpupunas ng mesa si Elaine ng bigla na lang may humalik sa kanyang pisngi. Dahil sa pagka gulat ay biglang umigkas ang isa nyang kamay at nasampal ang pangahas na 'yon.

Nanlaki ang kanyang mata ng lingunin nya ito.

"Ice!?"

Hawak ang nasaktang pisngi nito ay ngumiti ito ng bahagya sa kanya. "Surprise!"

Dahil sa tuwa ay napatalon sya at napayakap dito. Hindi nya inaasahang makikita ito dito, huling pag-uusap kasi nila ay nung nag desisyon itong umalis ng bansa para mag-aral dun at makasama ang pamilya nito.

Niyakap din naman sya nito pabalik.

Kumalas sya dito at nakangiting tiningnan ito. Napansin pa nyang bahagyang namumula ang pisngi nitong nasampal nya. Ngumiwi sya. "Pasensya kana. Bigla ka kasing nanghahalik e."

Tumawa naman ito at hinaplos ulit ang pisngi. "Okay lang, kasalanan ko naman at nagulat ka. Pero malakas 'yon ha? Mas malakas pa sa huling sampal na nakuha ko sayo dati." Tumawa ulit ito ng malakas na syang ikinakuha ng atensyon ng mga kumakain sa loob ng floating res