CHAPTER 20: Mine!

JANINA MARIE

"Seryoso ka ba, Janina Marie? Ginawa ba talaga iyon ni bakla?" Hindi makapaniwala na tanong ni Althea.

"Oo. Nagulat ako na siya iyong sumagip sa amin kahapon," saad ko. "Hindi ko rin alam na may mga bodyguards pala siyang binabayaran upang bantayan ako at si Jude. Ang sabi niya ay magpapaliwanag daw siya pag uwi niya."

"Anong kapalit naman niyan, JM? Bakit kailangan pa ng bodyguard gayong wala namang banta sa buhay ninyo?"

"Hindi ko alam. Hindi naman siguro ako pababantayan ni Xavier nang walang dahilan. Tingin ko ay hindi niya lang gustong pabayaan ako kaya kahit nasa malayo siya ay meron siyang iniwan na mga tauhan na titingin-tingin sa amin ni Jude."

"I hope so, Janina. Nagsisimula pa lang ang ex-girlfriend niya at nakikita ko base sa mga kwento mo, gagamitin niya ang anak niya para matalo ka. Hays, lahat na lang ng mga naging karelasyon mo ay puro sakit sa ulo. Try mo kayang iwan si Xavier at subukan si Jake. Baka lumigaya ka pa sa kan'ya."

Narinig kong pinagalitan