Chapter 62: Convincing the Donor

Kinabukasan, maagang nagising si Elyana dahil masyado siyang binabagabag ng damdamin. Nagpasya siyang hayaan na lamang si Felicity sa nais nito at h'wag ng istorbohin. Aasa na lamang siya sa balita mula kina Pretzel sakaling malaman nila ang dahilan ng pagiging ilag sa kaniya ng kaibigan.

Mabuti na rin at may ibang bagay siyang dapat pagtuunan ng panahon at para sa kaniya, mas mahalaga iyon.

Nang umagang 'yon, pinadalhan niya ng mensahe si Florentin upang makipagkita sa kaniya. Natuwa naman ang loko dahil na-miss na raw siya ni Elyana at naisip siya nang ganoon kaaga. Nagkita sila sa isang sikat na ice cream parlor di kalayuan sa subdibisyon kung saan naroon ang mansion ng mga Begum.

Ayaw niya sa kanilang bahay dahil tiyak siyang hindi niya ito magagawang makausap. Ang kaniyang ina ang paniguradong uubos ng oras at pauulanan ng tanong ang binata upang alamin ang pagkatao nito at kung anong buhay siya mayroon.

Nagpaalam siyang may bibilhin lang sa Mall na sapatos na ipapares sa damit