Chapter 14: Fool

Inangat ko ang aking ulo dahil sa huling sinabi ni Thunder. Tila ba bumilis ang tibok ng puso ko na para ba akong kinakabahan kahit sure naman akong niloloko niya lang ako. Imposibleng magugustuhan niya ako sa ganoong kaigsing panahon, at isa pa may girlfriend siya.

“A-anong sinabi mo?” Nauutal kong tanong nang lingunin ko siya. Nakatitig lamang siya sa akin habang natatakpan ng bangs ang kaliwang mata nito. Nakangiti rin siya sa mga oras na ito, ngiti na ngayon ko lang nakikita. Alam kong isa lang iyon sa mga pakulo niya ngunit iba pa rin ang epekto nito sa akin.

“Oh bakit? Naniwala ka ba? Eh di pinansin mo rin ako,” Natatawang sabi niya kaya naiyukom ko ang mga kamao ko. Expected ko naman na iyon pero naiinis pa rin ako na lumabas iyon sa bibig. “Asa ka namang magugustuhan kita.”

Iniwas ko ang tingin sa kanya at saka tumayo para ma-ikalma ang sarili ko. Pinagmumuka niya akong tanga dahil sa mga ginagawa’t sinasabi niya, bakit ba kasi hindi pa ako nadadala? Hindi