Chapter 18: The plan

“Ano?” Iyon lang ang nasabi ko matapos mag-sink in sa utak ko ang sinabi niya. Oo keen ako, pero hindi gumagana ang utak ko sa ganitong sitwasyon. Napahawak na lamang ako sa dibdib ko dahil sa sobrang bilis ng pagtibok noon.

“Let’s talk some other time. 'Yung tayong dalawa lang.” Sabi nito habang nakatingin sa ibang direksyon. Sinundan ko kung saan siya nakatitig at nang lumingon ako, nakababa na ulit si Thunder. May hawak siyang papel at ballpen.

“Rain tara.” Aya niya sa akin at agad naman akong lumapit doon kung saan sila nakapwesto. Nagkumpulan kaming anim na para bang isa kaming team ng basketball at ang nagsisilbing coach ay si Thunder.

“Ganoon ba talaga kaseryoso ang gagawin natin?” Hindi ko naiwasang itanong, dahilan para bigla na lang akong pitikin ni Matthew sa ilong “Aw! Ang sakit no'n, ah!”

“Saglit, kausapin ko lang si Rain,” Sabi nito at bigla na lang niya akong hinatak palayo doon sa apat.

“Bakit?” Tanong ko nang sa wakas ay kami na la