Chapter 35

“What are we doing here? I thought sa bar lang tayo?” tanong ni Penelope sa kaibigang si Helen ng makita niyang pumasok ang kotse nito sa isang hotel.

“Don’t worry, Penny… I rent a place here. Mas gusto ko kasi na tayo-tayo lang ng mga kaibigan natin ang mag-celebrate ng birthday ko. Bar was too noisy to catch things up with our other friends,” sagot nito bago bumaba.

Wala namang imik na sumunod siya rito.

Pagdating nila sa V.I.P. suite ng hotel na iyon ay naroon na ang mga kaibigan nila. Nasa higit dalawampu rin silang lahat. Pero ang ikinapagtaka niya ay ng makita sa isang sulok si Adam na mag-isang umiinom.

Nagtatanong ang mga matang sinulyapan niya si Helen.

“I also invited him by the way. You know naman na wala siyang gaanong kaibigan,” balewalang sabi nito bago mabilis na nilapitan ang mga kaibigan nila, upang iwasan ang pag-uusisa niya rito.

Kaya’t wala siyang nagawa kun’di ang palagpasin muna iyon at pilit ang mga ngiting nakipag-usap rin sa mga kaibigan nila, while ignoring