Chapter 36

“I’m here at the lobby. Kung ayos na ang pakiramdam mo at kaya mo ng bumaba, I’ll wait you here. Pero kung hindi naman, I’ll go upstairs to pick you up,” malamig na tugon nito.

Marahas siyang napahugot ng hininga.

Paanong— Nagtatakang mabilis na lumipad ang kanyang mga mata kay Helen, na nakatingin din sa kanya mula sa salamin habang nagme-makeup. She knew na nababasa nito ang nilalaman ng isip niya.

Ngunit isang kibit-balikat lang ang isinagot nito at ipinagpatuloy na ang ginagawa. At lalo lang iyong nakadagdag sa kabang kanyang nadarama.

“Penelope…?” untag ni Timothy mula sa kabilang linya na bahagya pa niyang ikinaigtad.

“Y-Yeah… I’m here. A-Ako na lang ang bababa…” mahinang sabi niya.

Hindi naman na umimik pa ang kanyang asawa. Tunog na lang ng end button ang sunod niyang narinig.

Nag-aalalang ibinalik niya ang telepono sa bag at muling sinulyapan si Helen.

“Did you call my husband?” tanong niya rito kahit na alam na niya ang sagot doon.

She was just still hoping na ito n