Chapter 42.3

"Bakit naman, Ma?" Lumunok na naman siya. "Pwede naman nating bawiin ang titulo mula sa kanila. Saka sampung taong tayong nagtatanim at nag-aani sa Aisle kaya imposibleng hindi nila ibabalik ang titulo kung ganiyang hinayaan tayo ng mga Hernandez na angkinin ang Aisle sa sampung taon na 'yon!"

"Yon ay dahil pinakiusapan ng ama mo ang Alkalde. Marami nang lupain ang mga Hernandez kaya hinayaan na nila tayong magtanim at mag-ani sa Aisle. Pero hindi ibig sabihin niyon na habambuhay nila tayong pahihintulutan. Kaya pinlano namin ng ama mong ipakasal ka sa anak ng Alkalde nang sa gayon ay masisiguro naming hindi tuluyang mawawalan ng pagka-may-ari ang ating angkan sa Aisle..." Ngumiti ng marahan ang ina. "...para sa kapakanan ng susunod na henerasyon ng angkan natin, Jewel."

"Pwede naman sigurong bilhin ulit ang Aisle."

Umiling ang Donya. "Mabibili mo lang ang isang titulo kung ibebenta ng kasalukuyang nagmamay-ari, Jewel. Hindi natin mababawi 'yon hangga't hindi nagpa