Chapter 31

Sinigurado kong malayo pa rin ako kay Cadence. Dahil kung literal na magkadikit kami, baka marinig niya ang lakas ng tibok ng puso ko. Maya’t maya nga ang pag-inom ko sa gulaman. Hindi mapakali ang mga internal organ ko. Gusto rin lumabas mula sa katawan ko katulad ng puso ko. Maya’t maya din ang paglunok ko.

Parang matatae na nga ako anytime. Ganito pala pakiramdam kapag katabi mo ang taong gusto mo.

Nakakabalisa.

Namataan ko pa si Lorie sa kabilang table kasama ng mga alipores niya. Masama ang tingin niya sa akin pero kapag kay Cadence ay nagpapa-cute ang gaga. 

Mukha siyang aso. 

Hindi ko na lang pinansin. Mabuti na lang hindi rin pansin ni Cadence ang aso na 'yun. Nakatutok lang siya sa pagkain tapos maya't maya ang tingin sa akin. Parang tanga.

Kita na ngang hindi ako mapakali, tingin pa nang tingin.

“Okay ka lang ba, Millie? Parang natatae ka diyan?”

Humigpit ang hawak ko sa kubyertos at