Chapter 36

“Iba talaga kapag gusto ka rin ng taong gusto mo ‘no? Parang dati nakabusangot mukha mo kapag nagbabasa ng libro, ngayon nakangiti na. Ay, iba.” Umiling si Mia.

“So, ano na status niyo?” Naramdaman kong lumapit ang mukha ni Hannie sa akin.

“Sigurado ka bang kumpleto ang kinwento mo sa’min?” Kinalabit naman ako ni Carol.

Unting unti umangat ang tingin ko sa tatlong ugok na nakaupo sa harapan ko. Naglaho ang ngiti ko at binigyan sila ng masamang tingin. Pinatong ko sa lap ang librong hawak ko at humalukipkip sa harapan nila.

“Pwede ba lumayo kayo sa akin? Baka mahawaan ako ng kapangitan niyo.”

Agad naman sila umusog palayo sa akin habang hindi pa rin ako nilulubayan ng tingin. Sarap nilang kurutin ng nail cutter.

Pagkatapos ng birthday ko, agad din naman ako nagkwento sa kanila tungkol sa nangyari noong gabi. Syempre kilig na kilig ang mga gaga. Ang daming tinanong sa’kin. Sobra