Kabanata 66

Kaagad bumitiw sa akin si Opaw. Mabuti na lang at hindi niya nakita ang nagbabagang mga tingin ni Fred.

Bumaba kasi ang paningin niya sa kamay ni Fred, na ngayon ay pisil na ang balikat niya. Kita ko rin ang paggalaw ng panga niya.

Alam kong lumiyab pa lalo ang selos niya dahil sa ginawang pagyakap sa akin ni Opaw. Hindi ko naman gusto 'yon dahil alam kong dagdag 'yon sa selos niya.

"Fred!" Imbes na magalit dahil sa ginawa ng nobyo kong bugnutin. Lalo pa itong ngumiti at biglang niyakap sila ni Widmark.

Sekreto na lamang akong natawa. Umawang kasi ang labi Fred, akmang magsasalita pero dahil biglang pagyakap ni Opaw, natameme na lang.

"Congats, sa wakas ay napasagot mo rin ang supladang 'yan. Ang tigas ng puso ng babaeng 'yan pero nagawa mong palambutin." Nasa akin na ang tingin ni Opaw, habang yakap pa rin si Fred at Widmark.

"Uncle Opaw, na miss po kita." Nakangiting hinawakan ni Widmark ang ulo ng uncle niya at hinaplos-haplos iyon.

Hinuli naman ni Opaw ang kamay ng Anak ko.