Chapter 14

Nagising ako dahil sa liwanag na pumapasok sa bintana. Kinusot ko pa ang mga mata ko at napabangon nang mapansing wala na ako sa couch. Nasa kama ako ngayon habang si Sir Troy ang nakahiga sa couch. Tulog na tulog pa ito. Ang huli kong naalala ay doon ako nakatulog. Binuhat ba niya ako at inilipat sa kama?

Napipikit-pikit na bumangon ako at naglakad patungong bintana para isarado ang kurtina dahil ayokong magising si Sir Troy nang maaga dahil alam kong pagod pa ito. Umupo ako sa sofa at pinagmasdan ang kaniyang mukha habang natutulog. Ipinatong ko pa ang aking siko sa aking tuhod at ang mukha ko ay salo ng mga palad ko.

Ilang beses ko rin siyang sinabihang pangit at hindi kaguwapuhan, but that’s not true. Isa siya sa mga lalaking pinakanaguguwapuhan ko. With that face, alam ko ring marami siyang mapapaiyak na babae kaya kahit na malapit kami sa isa’t isa, idinistanisya ko ang nararamdaman ko sa kaniya. Alam ko rin naman kasing walang patutungu