Chapter 26

Nakarating sila sa Pueblo Berde kung saan gagawin ang naturang photoshoot. Napakaganda ng lugar, maputi ang buhangin at maasul asul na maberde berde ang kagaragatan napalilibutan ng mga puno at iba't ibang uri ng halamang namumulaklak ang kapaligiran at maging ang hotel ng mga ito ay yaring native. Kagigising lamang ni Serenity agad siyang bumaba at sinamyo ang halimuyak ng hanging nagmumula sa napakagandang kapaligiran.

"Narito na pala ang matitigas ang ulo kong alaga." nakapamewang na salubong ni mama Astrid.

Agad namang lumapit sina Serenity at Savannah niyakap ang kanilang mama Astrid. "Sorry na Ma, puyat lang po talaga kagabi." wika ni Serenity.

"Ma, bakit dito na tayo ayaw mo na ba sa dati?" tanong ni Savannah na ang tinutukoy ay ang lugar kung saan nakasanayan na nilang mag pictorial.

"Maiba naman at isa pa may nag sponsor kasi dito kaya tayo naririto, yung may ari mismo dahil gusto raw na makilala si Serenity at makapag pa-picture narin daw sayo." tila nanunuksong biro ni Ma