Chapter 35 - Makakaalis Ka Na

Rhian's Point of View

"Hhmmm.. s-sandali lang Logan." Bahagya ko siyang tinulak. Ibinaba ko ang aking tingin dahil hindi ko kayang salubungin ang mga titig niya sa akin. Gusto ko pa sanang makasama ang lalaki ngunit siguradong hinahanap na ako ni Liam. "P-pasensya na pero kailangan ko nang umalis."

Hinintay kong magsalita si Logan ngunit nanatili itong tahimik. Marahan akong nag-angat ng tingin sa kanya at muling nagtama ang aming mga mata.

Ilang saglit pa ay tumango-tango ito sa akin. Pabagsak itong umupo sa kama. "Okay. Makakaalis ka na!"

Bakas sa mukha ni Logan ang pagkadismaya nito. Mariin pa itong pumikit at tila hinihintay na lang ang aking pag-alis.

Parang napako naman ang aking mga paa. Ang isang parte ng aking isip ay nagsasabing huwag akong umalis at manatili sa tabi niya ngunit sa isang banda ay kailangan ko nang umalis, hindi dahil sa hahanapin ako ni Liam ngunit para makaiwas sa kanya.

Saglit na namayani ang katahimikan. Nagmulat naman ng mga mata ang lalaki nang tumikhi