Chapter 15.2

Bago pa makaimik si Amber sa tinuran ni Ashton Blumentrint ay natigil siya dahil sa pagtawag ng malilit na tinig.

"Mama! Papa!" 

Sabay silang napalingon sa pinagmulan ng pagtawag. Kaagad naman nilang nakita si Hyde sa tapat ng pinto ng cottage. Magulo ang buhok nito at mukhang bagong gising lang. Patakbong lumapit sa kanila ang bata. Dumeretso itong nagpakandong kay Ashton Blumentrint. Kitang-kita ni Amber nang halikan ni Ashton ang gilid ng noo ng bata. 

"Iniwan niyo po ako." Nakangusong turan nito. Humilig din ang bata sa dibdib ng lalaki. 

"Nandito lang naman kami sa malapit. Nag-date lang kami ng mama mo."

Napataas na lamang ang kilay ni Amber dahil sa tinuran ni Ashton. Bago pa siya maka-alma ay bumaling sa kanya si Hyde. Mayroon itong pilyong ngiti sa labi.

Lihim naman siyang nanggigil kay Ashton dahil kung anu-anong ideya ang pinapasok nito sa utak ng kanyang anak.

"Babawi ako sa'yo, son. Name what you want