Chapter 106

SHAINA

Simula nang hingiin ni Sir George ang cell phone number ko ay panay na ang text at tawag niya sa akin. Akala ko pa naman sa kanya ay hindi niya gusto na maging text mate ako pero 'yon ang nangyayari ngayon, eh. Kakatawag pa lang niya sa akin ngayong umaga. Niyaya niya ako mamasyal sa malapit na mall. Sinabi ko naman nga 'yon kay mama.

''Ano po ba ang gagawin ko, Ma? Niyaya niya ako na mamasyal kami mamaya sa mall. Hinihintay niya po ang isasagot ko sa kanya," nakangusong sabi ko kay mama.

"Ikaw ang bahala kung ano ang isasagot mo. Kung pumapayag ka na mamasyal kayong dalawa sa malapit na mall ay wala namang problema 'yon sa akin, eh. Hindi kita pipigilan, anak. Mabait naman si Sir George at pabor naman sa akin na mamasyal ka para makapaglibang-libang ka naman kahit papaano. Alam ko na hindi ka pa nakakapag-move on sa lalaking 'yon na minamahal mo hanggang ngayon. Baka makatulong ang pagmo-move on mo kung kasama mo si Sir George. Mabait na bata si Sir George," sabi ni mama sa ak