Chapter 11

SHAINA

Kakaalis pa lang ni Sir Jacob patungo sa opisina ng kompanya niya. Nagwawalis ako sa labas ng bahay niya habang si Manong Caloy ay abala sa pagti-trim ng mga halaman na nandoon sa garden. Matapos ko na magwalis ay lumabas ako sa gate. Doon ako nagwalis sa may gilid ng gate ng bahay ni Sir Jacob. May dalawang kasambahay doon na nag-uusap sa tapat ng bahay na nasa harapan ng bahay ni Sir Jacob. Doon siguro ang dalawang kasambahay na 'yon nagtatrabaho. Hindi ko naman silang dalawa pinapansin dahil hindi ko naman sila kilala at isa pa ay may ginagawa ako. Hindi naman ako pumunta dito sa Maynila para makipagtsismisan kagaya nila. Pumunta ako dito para magtrabaho.

Mayamaya ay narinig ko na dahan-dahan silang lumapit sa akin hanggang sa makalapit na nga sila. Kaagad naman akong lumingon sa kanilang dalawa. Sa hitsura nilang dalawa ay mukhang hindi nagkakalayo ang mga edad namin. Siguro ay matanda lang sila sa akin ng dalawa o tatlong taon. Nginitian ko naman silang dalawa kahit hindi