Chapter 41

SHAINA

"Ano'ng sasabihin ko kay Manong Caloy kung tanungin niya ako kung ano ang importanteng pinagawa mo sa akin, huh?" tanong ko sa kanya habang sinusuot ko ang uniporme ko na hinubad niya. Nagsusuot naman siya ng damit niya na pambahay.

Huminga muna siya nang malalim at saka nagsalita sa tanong kong 'yon sa kanya. Wala akong maisasagot kay Manong Caloy kung magtanong siya mamaya sa akin kung ano'ng importante ang pinagawa niya sa akin. Iyon kasi ang pagkakaalam niya na kaya ako pinapunta ni Jacob na boyfriend ko sa kuwarto nito dahil may importanteng ipagagawa ito sa akin. Tinatanong ko siya kung ano ang posibleng isasagot ko kay Manong Caloy kapag nagtanong ito sa akin. Kahit hindi siya magtanong sa akin ay maganda na may nakareserbang sagot ako sa kanya. Mahirap na kung wala, eh.

"Sabihin mo sa kanya na may pina-encode lang ako sa 'yo na hindi natapos gawin ng secretary ko kanina. Importante na kasi 'yon kaya sa 'yo ko na muna pinagawa dahil ipapasa ko ngayong gabi na 'to. Iyon