Chapter 79

SHAINA

Nakatulog ako kagabi na lumuluha dahil sa sakit na nararamdaman ko sa mga nalaman ko tungkol sa boyfriend ko na si Jacob. Nagtataka ako pagkagising ko dahil naramdaman ko na may nakayakap sa akin nang mahigpit. Dahan-dahan akong sumulyap sa may likuran ko at nakita ko ng si Jacob na mahimbing na natutulog na nakayakap sa akin. Bumilis ang tibok ng puso ko sa nakita ko. Ano'ng ginagawa niya dito sa kuwarto ko? Paano siya nakapasok dito? Naka-lock ang pinto ng kuwarto ko. Naisip ko na hindi imposibleng mabuksan niya ang pinto ng kuwarto na tinutulugan ko dahil sigurado ako na may hawak siyang duplication key.

Pinagmamasdan ko siya habang mahimbing siyang natutulog. Nakahiga pa rin ako at dahan-dahan ko na inalis ang mga kamay niya na nakayakap sa akin. Galit pa rin ako sa kanya. Nagtatampo pa rin ako hanggang ngayon. Hindi ko alam kung kailan mawawala 'yon.

Bumukas ang kanyang mga mata habang pinagmamasdan ko siya kaya umiwas kaagad ako ng tingin sa kanya. Gising na siya. Kinusot