Chapter 31

"May sasabihin pala ako sa 'yo, Edward," malumanay na pagkakasabi ni Angela sa harap ni Edward. Tapos na ito sa kanyang ginagawa. Napangiti kaagad si Edward pagkakita sa kanya na naghihintay.

"Ano 'yon, Angela? Ano'ng sasabihin mo sa akin, huh?" tanong kaagad ni Edward sa kanya.

She licked her lips and said slowly, "Hindi ako uuwi bukas dito sa bahay."

"Huh? Bakit naman hindi ka uuwi dito sa bahay n'yo?" nagtatakang tanong naman ni Edward sa kanya.

Bumuga muna siya ng malamig na hangin at saka muling nagsalita sa harap nito na hinihintay ang isasagot niya.

"Doon kami matutulog ng kaibigan ko sa opisina," malumanay na sagot nga niya sa guwapong si Edward.

"Bakit doon kayo matutulog ng kaibigan mo?" tanong pa nito sa kanya.

"May gagawin kasi kami na kailangan namin matapos bukas kaya napagdesisyonan namin na doon na muna matulog bukas. Uuwi naman ako sa Wednesday na hapon dito sa bahay, eh," anunsiyo ni Angela ng kanyang dahilan kay Edward kung bakit hindi siya uuwi sa bahay nila. Gin