Chapter 60

Naglakad-lakad pa silang dalawa sa loob ng mall na magkahawak-kamay. Wala naman pakialam ang mga tao sa kanila sapagkat hindi naman sila kilala ng mga 'to at hindi rin nila kilala ang mga taong nakakasalubong nila. Pumunta sila sa isang bookstore. Tumingin-tingin si Angela ng mga libro na magugustuhan niyang basahin habang ang boyfriend niya na si Edward ay nakasunod lang sa kanya.

"Mahilig ka palang magbasa ng mga libro. Ngayon ko lang nalaman," wika ni Edward sa kanya.

Napalingon muna si Angela sa boyfriend niya na nakabuntot lang sa kanya habang tumitingin-tingin siya ng mabibili niyang libro kung may magustuhan nga siya. Nginitian niya ito at saka nagsalita, "Hindi naman masyado akong mahilig magbasa ng mga libro, eh. Hindi kagaya ng iba na kulang na lang ay sa library o bookstore na tumira. Hindi naman ako gaanong ka-voracious sa pagbabasa ng mga libro. 'Pag may gusto lang ako na basahin ay saka lang ako nagbabasa, baby. E, ikaw? Mahilig ka bang magbasa ng mga libro, huh?"

Edwa