Chapter 59

Amber Pov

"Are you okay, Amber?"

Nagulat ako nang ipitik ni Migz ang kanyang dalawang daliri sa tapat ng aking mukha. Kasama ko siya sa loob ng isang restaurant sa isang mall dahil pumayag ako nang niyaya niya akong kumain sa labas. Wala namang pasok kaya pumayag ako. At para na rin mawala ang isip ko kay Phil na tuluyang wala nang atensiyon sa akin.

Hindi ko alam kung ano ang pinagkakaabalahan niya dahil busy siya palagi. Madalas ay mainit ang kanyang ulo at kung minsan nga nasisigawan niya ang mga katulong niya nang hindi sinasadya. Hindi na rin siya natutulog sa silid namin. Sa guest room na ginawa niyang kuwarto niya na siya natutulog.

Mabuti na lamang wala rito sa bahay si Lolo. Kinuha kasi siya ni Tita Aloha at isinama sa Canada para naman makapagbakasyon ito. Kung nakikita lang sana ni Lolo kung paano ako tratuhin ni Phil ay tiyak na pagagalitan niya ang kanyang apo.

Hindi ko alam kung bakit tila palaging mainit ang ulo ni Phil. Palagi siyang wala sa mood kaya nakakailang siya