Chapter 58

Amber Pov

Pagkatapos ng muntikan ko nang pagkakakidnap ay hindi na hinayaan ni Lolo Fidel na umalis ako ng bahay na walang dalang kotse. Kahit tutol ako ay nagpabili siya ng isa pang kotse kay Phil para raw kapag coding ang kotse ko ay may ibang kotse akong magagamit.

Naisip ko na mabuti na lamang at wala rito si Karen dahil nasa bahay ng kanyang tiyuhin. Busy kasi ito sa pagre-review sa darating na exam nito kaya nag-decide itong sa bahay ng kanyang tiyuhin muna manatili. Maa malapit kasi ang bahay ng tiyuhin nito kaysa sa bahay ni Phil.

Laking-pasasalamat ko nang pansamantalang nawala sa bahay si Karen dahil walang nanggugulo sa akin. Pero kapag nalaman niya ang ginawa ko kay Phil ay tiyak na uuwi siya rito para awayin ako kahit na hindi ko naman sinasadya ang nangyari. Pansamantalang nanahimik ang aking mundo.

Nang may humintong kotse sa tapat ng bahay ni Phil ay napasimangot ako. Inisip ko na umuwi na si Karen. Ngunit nang kumatok ito sa pintuan at ako ang nagbukas dahil nasa sal