Chapter 57

Amber Pov

Nagising ako nang maramdaman ko ang mainit at malambot na bagay na dumampi sa aking mga labi. May humahalik sa akin.Agad na pumasok sa aking isip ang nangyari bago ako nawalan ng malay. Sa pag-aakalang ang humahalik sa akin ay isa sa mga lalaking humahabol sa akin bago ako hinimatay ay bigla kong kinalmot ang mukha nito. Narinig ko ang kanyang pagdaing ngunit wala akong pakialam. Patuloy ko pa rin siyang kinakalmot habang sumisigaw ako ngunit hindi ko na siya muling natamaan pa.

"Layuan mo ako! Halimaw ka! Lumayo ka sa akin!" nagsisigaw ako habang nakapikit ang aking mga mata.

"Amber, calm down. It's me, Phil."

Narinig ko ang pamilyar na boses na iyon. Napahinto ako sa pag-atake sa kanya kasabay ng pagmulat ng aking mga mata.

"P-Phil," sambit ko sa pangalan niya. Agad na tumulo ang aking mga luha at yumakap ako sa kanya ng mahigpit. Pansamantalang kinalimutan ko ang mga nakita ko tungkol sa kanya at kay Bovic. Basta ang nararamdaman ko ngayon ay masaya akong siya ang aking