Chapter 56

Amber Pov

Kanina pa ako nakatayo at naghihintay ng masasakyang taxi ngunit wala akong masakyan. Nakakaramdam na ako ng kaba dahil mag-isa lamang akong nakatayo sa gilid ng kalsada na naghihintay ng masasakyan.

Minsan lamang ang mga taxi na humihinto sa area na ito dahil kapag dumaraan sila rito ay may mga sakay na silang pasahero. Wala namang nagdaraang jeep sa lugar na ito dahil tanging mga private cars, taxi at SUV lamang ang ang nagdaraan sa lugar na ito. Ang malas ko talaga dahil unti-unti nang bumubuhos ang malakas na ulan.

Gusto ko nang magpapadyak dahil wala man lang masisilungan sa bahaging ito. Kapag tumawid naman ako ng kalsada pabalik sa park ay mas nakakatakot naman doon dahil madilim. Ewan kung bakit hindi nilalagyan ng street light ng local na pamahalaan ang park na iyon. Ito lang yata ang park na walang ilaw kapag gabi. Sabagay. konti lang naman ang namamasyal sa park na iyon dahil tatlong slide lamang ang mapaglilibangan ng mga bata roon. Kaya siguro hindi na pinag-a