Chapter 37

Lisa POV

Lahat kami napalingon sa kanya. Ako naman, nag-aalala sa nakikitang susunod na pagtatalo. May pagbabantang tingin si Daddy kay Fier. Si Mommy naman agad na kinastigo ang anak.

“Son, we have a lot of rooms here. And isa pa, gabi na rin. Matulog na lang kayo ni Lisa sa kwarto niyo. Sige na, panira ka nang saya.” Inirapan niya ang anak na hindi na lang kumibo sa sinabi ng ina sa tabi ko. Iniikot niya ang isang braso sa likuran ng upuan ko.

“Ipapaakyat ko na lang sa maid ang mga luggage mo, Philip. Sure ako na pagod na pagod ka sa biyahe.”

Isang ngiti ang ibinigay niya dito sa bisita namin bago tinawag ang isa sa mga kasambahay na mula sa kusina. Nagtawag siya ng mga kasamahan para ma-iakyat ang mga gamit.

Nginitian ko siya. Ngiting humihingi ng tawad sa ginawa ng katabi kong paiba-iba ang mood. Narinig ko naman ang palatak ni Fier, umiling ito, nagpapahalata na ‘di gusto ang balak na mangyari nila Mommy.

“Sorry po sa abala and thank you na rin,” hinging paumanhin ni Philip