Chapter Fourteen: Underground

ARIA

Masama ang gising at antok na antok pa ang diwa ko nang bumangon ako sa aking pagkakahiga. Sino ba naman kasi ang gaganda ang umaga, kung ang ingay-ingay ng cellphone ko, diba? Partida, nasa ilalim pa ‘yan ng unan ko. Gusto ko sanang magmura kaso baka pumangit lalo ang araw ko kung bad vibes agad ang atupagin ko, umagang-umaga.

Kainis! Sino ba kasi itong tumatawag na ‘to at nandidistorbo ng tulog?

“ANO BA ‘YON!?” galit kong bulyaw sa kabilang linya nang magawa kong masagot ang tawag ni Yohan. Kahit antok pa ay nagawa ko pang mabasa ang pangalan ng kaibigan ko sa screen ng teleponong hawak.

“Anong ano ka riyan, Dude? Wala ka bang balak pumasok ngayon?”

P*tang ina! May pasok pa nga pala. Anong oras na ba? Parang masyadong OA ang isang ‘to–

“Twenty minutes na lang bago ang first subject, wala ka pa rin dito. Nasa byahe ka na ba? Bilisan mo. May exam daw ngayon kay Mr. Carter.” alam kong nag-aalala si Yohan ngayon sa akin, pero ang taranta sa boses niya ay hindi nakatutulong sa