Chapter 10 - Code

Third Person

Tulala si Albrey habang nakatayo sa labas ng operating room, kung saan inu-umpisahan na ang operasyon ng grandpa niya. Hindi pa sila nag-uusap ulit ni Sav, dahil ang isip niya ay na sa operasyon.

Naisipan naman ni Sav na lumabas para bumili ng kape. Alas-dose na ng hating gabi kaya kailangan niya nang pampagising habang naghihintay na matapos ang operasyon.

Sakto naman na mayroong convenience store sa tapat ng ospital. Bumili na rin siya ng kaunting makakain dahil naisip niya na baka hindi pa kumakain si Albrey.

Nang makabalik si Sav sa loob ng ospital ay nasa ganoong posisyon pa rin si Albrey at walang kakibo-kibo.

"Magkape ka muna, habang naghihitay. Mukhang matagal pa matatapos ang operasyon," alok ni Sav sa binata. Hindi pa rin ito kumikibo. Napakaseryoso nito at bakas ang pangamba sa mukha nito. Hindi siya pinasin nito at nanatili lang ito sa posisyon nito at para bang hindi siya naririnig. Kaya nagsalita siyang muli.

"Instant coffee lang ito, pero masarap naman