Kabanata 020

Sa loob ng VIP Lounge. Nakangiting pumasok si Sebastian. Agad naman binaba ni Natalie ang kanyang cellphone, ngumiti din ito sa binata. Masaya ang mukha niya dahil na din sa pangungulit ng kanyang mga kaibigan. Naupo na si Sebastian sa kanyang tabi.

Nakatalikod sila sa pintuan ng VIP LOUNGE kaya naman hindi nila makikita kung sino ang pumapasok.

Bumukas ulit ang pinto at nagulat si Natalie ng mula sa kanyang likuran ay may mga batang masayang nagkukulitan. Bahagya pa nitong kinapitan ang kanyang buhok.

Nang humarap siya para tignan ang mga ito ay bumuhos na ang mga luha sa kanyang mga mata. Nagulat siya ng makita niya ang kanyang Mommy Elizabeth, Daddy Patrick at Kuya Timothy, hindi naman pamilyar sa kanya ang kasama ng kanyang kuya na babaeng sa tingin niya ay asawa nito at ang dalawang bata na kahawig niya. Ang cu-cute ng mga ito. Nakita niyang malaki ang itinanda ng itsura ng mga ito. Wala na kasi siyang picture man lang na nakikita mula sa mga ito magmula ng magpaiwan siya sa mga