Kabanata 127

NATALIE POV

Bago kami tuluyang matulog ng aking asawa ay nagkwentuhan muna kami sa bilis ng pangyayari ng lahat. Binahagi ko sa kanya ang magandang balita mula kay Maria tungkol sa mga staff na pumayag na muling bumalik sa kanilang pagse-serbisyo sa Sta. Barbara. Naikwento ko din ang pagpayag ni Kuya Timothy sa alok namin na trabaho para sa kanila ni Ate Emily.

Habang nakasandig ako sa bisig ni Sebastian at marahan niyang hinahaplos ang aking braso ay nakangiti akong nagpapasalamat sa kanya sa lahat ng pagpapasensya at pang unawa niya sa akin.

"Hon! alam mo hanggang ngayon pakiramdam ko lumulutang pa rin ako sa tuwa. Hindi ko akalain na ganito kabilis na babalik sa akin ang lahat ng bagay na nawala sakin. Sa totoo lang hanggang ngayon na-gu-guilty pa rin ako sa lahat ng sinabi kong masasama tungkol sayo pati na ang pag-iwan ko sayo ng walang paalam. Alam ko naman na ikaw dapat ang naging sandalan ko at ikaw ang dapat na pinaniwalaan ko higit kanino man dahil ikaw ang asawa ko per