Kabanata 088

“Naiintindihan ko ang risk ng pag -uwi namin. Kaya nga kailangan ko ng tulong mo para mabigyan mo pa ako ng kaunting panahon pa bago ko harapin silang lahat. Aayusin ko muna ang mga sinirang buhay ng mga taong umapi sakin nuon. At hindi ko din naman ipagdadamot na malaman nila Lindsay at Joshua kung sino ang totoo nilang ama. Tamang panahon lang ang hinihintay ko, para masabi ko sa kanila lahat, masyado pa din silang bata ngayon para maintindihan nila ang mga bagay-bagay. Marami na akong pinagdaanan na sakit at hirap Charles, wag kang mag-alala alam ko ang aking ginagawa.” Sagot ko naman dito. Hinawakan ko ang kanyang kamay para bigyan siya ng assurance na hindi ako nagkakamali sa aking desisyon.

“Sige Natalie! Kung desidido ka na talagang gawin iyan ay susuportahan kita. Basta mag-iingat ka lang sa gagawin mong ito. Alam mo kung gaano kadelikado ang mga Eduardo. Lalo na si Andrew. Alam mo din ang kayang gawin nito kapag nalaman nilang ikaw ang may ari ng The Lighten-Er Corporation.